कहाँ छ यो देश?

यो देशमा—

कहाँ छ विश्वास?

कहाँ छ भरोसा?

व्यापार व्यवसाय गर

तिमी दलाल पुँजीपति।

सरकारी कार्यालयमा जागिर खाउ

तिमी भ्रष्ट कर्मचारी।

राजनीतिमा लाग

तिमी नेता र झोले।

सामाजिक रुपान्तरणमा लाग,

तिमी डलरे विदेशी एजेन्ट।

जागिर मात्रै खाउ

जोखिम तिमीले मोलेनौ।

कहाँ छ यो देश?

गर्ने के यहाँ?

गुमेको त्यो विश्वास,

त्यो भरोसा— 

फर्किन्छ कसरी?

रगतले लिप्त,

विद्वंश पश्चात

उदाएका 

ती आशाका 

झिना किरणहरू

बलिदान,

पीडा र

वेदनाले

जुर्मुराएका 

ती आशाका 

झिना किरणहरू

कालो,

अनाकान्टार

अन्ध्येरो

रात्री पश्चात

उदाएका 

ती झिना 

आशाका 

किरणहरू

आगो र ज्वालाको

आँधीबेरीलाई चिरेर

उदाएका 

ती झिना 

आशाका 

किरणहरू।

रगतले सिँचित 

ती आशाका किरणहरूमाथि,

धावा नबोल!

विश्वासको बिउसित 

खेल नखेल्!